NAVRO’Z BIRDAMLIK BAYRAMI
Assalom Navro’z tadbiri
Sahnada bahor tarovatini ko’z- ko’z etuvchi manzara aks ettirilgan. Uzoq –uzoqlardan bulbul, sa’va kabi qushlarning xonishi eshitiladi. Ariqlarda suvlarning jildirab oqayotgani , qiyg’oz ochilgan gullarning tasviri , ko’m-ko’k qir adirlar , purviqor tog’ manzaralari, gullagan dov-daraxtlarning chiroyi zalda o’tirganlarga bahoriy kayfiyat , ko’tarinki rux baxsh etadi.
MALOHAT:
Assalom , ona yurt, tonglar o’lkasi
Ta’rif- tavsifning yo’q nihoyasi .
Senga bag’ishlanur muqaddas qo’shiq.
Bu o’zbek elining o’z madhiyasi.
FERUZA:
Yana ko’k tubida sayraydi qo’shiq,
Yana ko’xna zamin yam –yashil ko’rpa .
Yana tandan ketdi mudrash-u tushlar,
Yana yoshdek dilda o’ynar ming turfa .
MALOHAT:
Tarixing, ta’rifing tillarda doston,
Quyosh charaqlaydi , moviydir osmon,
Hofiz qo’shiq aytar , raqs etar jonon,
Sevinch bag’ishlaysan , keksa-yu yoshga
Navro’zjon , bu yilgi kelishing boshqa.
FERUZA:
Bir Yon katta kurash, bir yon ko’pkari,
Askiya aytishar , o’lanlar bari.
Yangalarning aytgan avjli yor-yori,
Sevinch bag’ishlaysan keksa-yu yoshga
Navro’zjon bu yilgi kelishing boshqa.
MALOHAT:
Assalomu alaykum , fan bog’ining bog’bonlari, mehribon ustozlar hamda ilmga chanqoq o’quvchi yoshlar! Yurtimizga o’zining zarrin sepini yoyib , husn-u tarovatini ko’z –ko’z qilib, fasllar kelinchagi- Bahoroy kirib keldi.
FERUZA:
Ha, bahor –uyg’onish , yasharish fasli. Bu faslda ko’ngillarimiz shodlikka , zavq-u shavqqa oshufta bo’ladi. Bahor bayramlar, shodyonalar fasli.
MALOHAT:
Yaqindagina 8-mart Xalqaro xotin- qizlar kunini nishonlagan edik . endi esa qadimiy va hamisha navqiron, ulug’ ayyomimiz Navro’zi olam eshik qoqmoqda . Navro’zi olam muborak bo’lsin!
FERUZA:
Har yili bahorda Navro’z tantana qiladi . Bahorgi an’analar, urf –odatlar xalqimizni hech qachon tark etmaydi , aksincha , Navro’z sayli yil sayin takomillashib , sayqallashib , boyib boraveradi. Darvoqe, Navro’z ko’p ming yillik tarixga ega.
MALOHAT:
Qani bolmasa , Navro’z tarixi bilan tanishaylik.
FERUZA:
Sharq xalqlarining azaliy va abadiy bayrami bayrami bo’lgan Navro’z to’rt ming yillik tarixga ega . Navro’zning kelib chiqishi va shakillanishiga oid qimmatbaho manbalar Zardushtiylik dinining muqaddas kitobi hisoblangan “ Avesto” mashhur qomusiy olim Abu Rayxon Beruniy, Umar Hayyom, Abulqosim Firdavsiy , Nosiriddin Rabg’uziy, Yusuf Xos Xojib, Navoiy kabi mutafakkirlarimizning qimmatli asarlarida Navro’z muhabbat , do’stlik , poklik va insonparvarlik ramzi sifatida ulug’lanadi.
MALOHAT:
Abu Rayhon Beruniy “ Qadimgi xalqlardan qolgan yodgorliklar” kitobida quyidagilarni yozgan. “ U kunni Navro’z deb atalishining sababi jamshid podshoh bo’lgach , majusiylar dinini yangiladi va bu kun “ Navro’z – “yangi kun “ deb ataldi.
FERUZA:
Tadbirimizni ochib berish uchun so’z navbatini maktabimiz direktori Yusupov Ziynatbek Mahmudovichga beramiz marhamat.
MALOHAT:
Sharqning buyuk donishmandi , falakkiyot bilimdoni Umar Hayyom o’zining “ Navro’znoma’’ asarida “ Navro’z “ so’zi birinchi marta zardushtiylik dining muqaddas kitobi “ Avestoda “ tilga olinganligini qayd etadi. Navro’z bayram sifatida tilga olingan Avestoda inson hayotining mazmuni uch ma’noda mujassam topmog’i lozimligi ham qayt etilgan . Bular – ezgu fikr , ezgu so’z , ezgu amallardir.
FERUZA:
Tarix, zamonlar, asrlar guvohki, Navro’z ezgulik , poklik , muhabbat timsolisifatida ulug’lanib nishonlanib kelinmoqda . Hamisha shoirlar Navro’zni madh etib keladilar.
ENDI SAHNAMIZGA BAHOROY VA NAVRO’ZOYNI TAKLIF QILAMIZ MARHAMAT.
MALOHAT:
1.Ustozlarimizdan o’quvchilar bezagan stollarini , milliy taomlarini , baholashlarini iltimos qilamiz. Ustozlarimiz stollarni baholagunicha sinflarning badiiy chiqishlarini tamosha qilamiz.
2. 1-a sinf o’quvchilari ishtirokida Sumalakning kelib chiqish tarixi bo’yicha sahna ko’rinishi.
3. Varraklar namoyishi . O’g’il bolalar olib kelgan varraklarini namoyish qilishadi va varraklar musoboqasini o’tkazishadi.
4. Maktabimiz 7-8- sinf o’quvchi qizlari soch turmaklash bo’yicha bellashadilar.
5. Endi navbatni 5-A sinf o’quvchilari ishtirokida “ Bahor” qo’shiqiga bersak.
6. Navbatni “Arqon tortish musoboqasiga “ beramiz. Bunda 8-A sinf va 8B sinf o’quvchilari hamda 9A va 9B sinf o’quvchilari bellashadilar.
7. 1A sinf o’quvchilari ishtirokida “Ona qizim” qo’shiqiga navbatni beramiz.
8. Endigi navbatni gimnastikachilarimizga bersak.
9. 3B sinf o’quvchilari ishtirokidagi “ Boboyjonim “ qo’shiqiga navbatni beramiz.
10. 1B SINF o’quvchilaridan “ Bugun bayram” raqsi
11. Hozirgi navbatni tosh ko’tarish musoboqasiga beramiz. 5A sinf o’quvchilaridan “ Kim oladiyo shuginaniyo “ o’yinini tamosha qilamiz.
12. 2A SINF o’quvchilari ijrosidagi “ Shoda –shoda “ qo’shiq raqsiga beramiz.
13. Navbat “karate “ musoboqasiga
14. 2B sinf o’quvchilari ishtirokidagi “ Sinchalak “ qo’shiqiga navbatni beramiz.
15 . Navbat 5B va 6B sinf qizlari ishtirokidagi “Vatan “ qo’shiqining raqsiga beramiz .
16. Endigi navbatimiz 9B sinf ijrosidagi “Binafsha” qo’shiq raqsiga
17. 7B sinf o’quvchilari ishtirokidagi “Gul “ qoshiqining raqsiga navbatni bersak.
18. Navbatni 7A sinf o’quvchilari ijrosidagi “ Fransuz qizi “ raqsiga beramiz.
19. Hozirgi Navbatni lazgiga beramiz.
FERUZA:
Turnalar yurtingga qaytgani kabi
Bag’ringga qaytmoqda alyor baytlaring
Moviydan xayolchang ko’rinish berar
Ming shukr tabarruk ulug’ zotlari
Buyuk daholarni bergan bo’stonim
Yangi yiling qutlug’ , O’zbekistonim
MALOHAT:
Qalblarda nish urgan orzular go’zal
Yurtim tuprog’ingga kirib kelmoqda
Xirotdan Navoiy bitgan shox go’zal
O’zliging muborak, O’zbekistonim
Navro’zing muborak , O’ZBEKISTONIM
FERUZA:
“Assalom Navro’z “ nomli tadbirni yopib berish uchun so’z navbatini maktabimiz direktori Yusupov Zinatbek Mahmudovichga beramiz.
